मनाचा झालाय रुसवा, डोळ्यांची होतेय जळजळ
जीर्ण झालेत कर्ण, रक्ताची थांबलीय
सळसळ
निष्प्राण या देहावर , संजीवनीप्रमाणे बरसत जा
दिवसभरात निदान एकदा तरी दिसत जा
पाहताच तुझी मूर्ती, उत्साहाची येते भरती
दिवसाची कामे माझी , वेळेच्या आधी सरती
गोड-गुलाबी थंडीत, उन्हाप्रमाणे लासत जा
दिवसभरात निदान एकदा तरी दिसत जा
कसलीच नसते चिंता, ना कामाची ना दामाची
श्वास रोखुनी बघतो, वाट तुझ्या प्रेमाची
झळा माझ्या नजरेच्या, जरा तुही सोसत जा
दिवसभरात निदान एकदा तरी दिसत जा
मोजू लागलोय चांदण्या, घेवून आकाश हाती
ना दिसता तू, काळीज माती-माती
लीला दाखविण्या तुझ्या, डोळ्यापुढे बसत जा-
दिवसभरात निदान एकदा तरी दिसत जा
-- शब्दप्रेमी
-- शब्दप्रेमी
No comments:
Post a Comment