मी ऑफिस मध्ये जातो ,मी ऑफिस मध्ये जातो
परि जाता जाता दररोज, मी विविध सोंगे घेतो
मी ऑफिस मध्ये जातो ,मी ऑफिस मध्ये जातो || धृ ||
बसने जाता जाता ऑफिसला रोज सकाळी
कधी कंडक्टर जवळ बसण्याची येते पाळी
मग तिकीट फाडण्या कंडक्टर जातो मागे
तो परतून येण्यापूर्वीच पुढचा स्थानक लागे
तेव्हा चढण- उतरण करण्या प्रवाशांची
मी घंटा वाजवून कंडक्टर होऊनी जातो || १ ||
बाजूच्या सीटवर असं कुणी बसतात
ते बालपणीचे माझे शिक्षक असतात
ज्या अर्थी ते आहेत माझे गुरु
करतोस काय ? करतात विचारणी सुरु
मग हळूच शिरून शाळेच्या आठवणींत
मी लाडका असा विद्यार्थी होऊनी जातो || २ ||
बस-स्थानकावर्ती कधी ऐकू येतात हाका
बघताच वळून दिसती गावचे काका
मग पुढचं काय? विचारूच नका बाप्पा
होतात सुरु न संपणाऱ्याही गप्पा
रंगुनी गावच्या सुरेल अशा भाषेत
मी त्यांच्यासंगे गावठी होऊन जातो || ३ ||
-- शब्दप्रेमी
ते बालपणीचे माझे शिक्षक असतात
ज्या अर्थी ते आहेत माझे गुरु
करतोस काय ? करतात विचारणी सुरु
मग हळूच शिरून शाळेच्या आठवणींत
मी लाडका असा विद्यार्थी होऊनी जातो || २ ||
बस-स्थानकावर्ती कधी ऐकू येतात हाका
बघताच वळून दिसती गावचे काका
मग पुढचं काय? विचारूच नका बाप्पा
होतात सुरु न संपणाऱ्याही गप्पा
रंगुनी गावच्या सुरेल अशा भाषेत
मी त्यांच्यासंगे गावठी होऊन जातो || ३ ||
-- शब्दप्रेमी
