जगण्यात मजा आहे

प्रेम सागरास जो देई माझ्या भरती

चंद्र पौर्णिमेचा 'तो' बघण्यात मजा आहे

शोभून दिसण्या केसांच्या थरथरत्या लाटात

कळी म्हणे फुलण्यात मजा आहे

सुगंध त्या कस्तुरीचा बहरण्यास

वारा म्हणे वाहण्यात मजा आहे

ओलाव्यात तिच्या चिंब भिजण्यास

वर्षासरींना बरसण्यात मजा आहे

चाल बघुनी तिची नागमोडी

रस्ता म्हणे वळण्यात मजा आहे

मोर नाचतो लीलया शब्दांत

म्हणून शब्दप्रेमिच्या जगण्यात मजा आहे


-- विवेक

(शब्दप्रेमी )