अंधकारमय
जग हे सारे
प्रकाश
त्याच्यात मी भरणार
बरेच गळती फुलण्याआधी
मी उमलायाचे धाडस करणार
टाकलात
मला जरी पाषाणी
खोदेन
त्यावर सुंदर लेणी
दबलोच
जर मातीच्या खाली
फुलुनी
निघतील हिरव्या वेली
यंत्र
होऊनी बसलेत सारे
मानव होऊन मी जगणार
बरेच गळती फुलण्याआधी
मी उमलायाचे धाडस करणार
पुरे झाली हि लाचारी
जन्मावा
शिवाजी माझ्याच दारी
कळूनही
नासमज जे सारे
उघडेन
त्यांसाठी मी द्वारे
अविवेकी
जरी असतील लाखो
एक 'विवेक' हा पुरुनी उरणार
बरेच गळती फुलण्याआधी
मी उमलायाचे धाडस करणार
-- शब्दप्रेमी
No comments:
Post a Comment