स्वप्नात जरी आलीस

स्वप्नात जरी आलीस, मनात खळबळ माजते
मन मग स्वताशीच, तुझ्याप्रमाणेच लाजते

अथांग असा सागर, निळ्या-निळ्या डोळ्यात
सप्तरंगी  सूर ,     गोड-गोड गळ्यात
चाल तुझी बघून मनात छनछन वाजते
मन मग स्वताशीच, तुझ्याप्रमाणेच लाजते

टिपून तुझ्या लावण्याचे, मदमस्त रंग
दिपून जातात नेत्र ,भिजते सरीविना अंग
प्रणयाची भावना मग हळूच मनात रुजते 
मन मग स्वताशीच, तुझ्याप्रमाणेच लाजते

मोग-याचा रस चाखू पाहतोय भुंगा
नाहुन सुगंध रसात  फुलली शब्दगंगा
लिखाण तुझ्यावरचं , कविता म्हणून गाजते
मन मग स्वताशीच, तुझ्याप्रमाणेच लाजते



--- शब्दप्रेमी
(विवेक कापगते)
  986039972\

मला आता तुझी आठवणच येत नाही....

मला आता तुझी आठवणच येत नाही....


किती वेळ तुझी आता आठवण करत बसू
आठवण आली तरी चेहऱ्यावर फुलत नाही हसू
नाव तुझे कानी पडूनही लक्ष विचलित होत नाही 
मला आता तुझी आठवणच येत नाही

अंगावरून जरी गेल्या शीत वायू लहरा
नेत्रापुढे नसतो तुझा गोड गोड चेहरा
तुझे चित्र पाहण्यासाठी मी डोळेच मिटत नाही
मला आता तुझी आठवणच येत नाही

मोडून मोडून झालाय तुझ्या आठवणीचा कचरा
नाही पिसारा फुलवत मनाचा मोर नाचरा
लीह्ताना कविता तुझा विषयच येत नाही
मला आता तुझी आठवणच येत नाही....


---विवेक
(शब्दप्रेमी)

माझ्या स्वप्नात तू का येतेस ?

माझ्या स्वप्नात तू का येतेस ?

हळूच मला पाहतेस लपून

नजरेने तुझ्या टाकतेस आसमंत व्यापून

वर्षासरींप्रमाणे तनामनावर बरसतेस

माझ्या स्वप्नात तू का येतेस ?

सौंदर्य तुझे न उलगडणारे रहस्य

फुलुनी दिसे त्यावरी तुझे स्मित हास्य

मादक नजरेने मला घायाळ करतेस

माझ्या स्वप्नात तू का येतेस ?

मोहून टाकलेस तू शब्दांना साऱ्या

नामावाचून तुझ्या वाटती कविता मज कोऱ्या

लिह्न्याचं माध्यम मी, प्रत्यक्षात तूच लिहतेस

माझ्या स्वप्नात तू का येतेस ?

- शब्दप्रेमी