IT ज्याचं नाव

संदर्भ व चाल : करून करून काळजी माझी ....(संदीप खरे/ सलिल कुळकर्णी )

जिथल्या माणसाला माणसांत, उरला नाही भाव
करतो काम अशा क्षेत्रात IT ज्याचं नाव

झोपून उठलो कि laptop  ब्यागेमध्ये भरतो
बायको असून घरी , जेवण कॅन्टीन मध्येच करतो
दिवसरात्र जुंपल्या असतात लोकांसोबत मिटिंग
वेळ काढून घ्यावा लागतो कधीतरी 'कटिंग'
घरी यायच्या वेळेचा,जिथे नसतो ठाव  
करतो काम अशा क्षेत्रात IT ज्याचं नाव

गावच्या लोक वाटे , पोरगा किती चांगला
शिक्षण होताच पूर्ण, मस्त नोकरीवर लागला
आई-बापा वाटे आपली सेवा होणार मस्त
त्यांना सोडून पोरगा घालतोय परदेशाची गस्त
घरच्यांच्या सेवेला , जिथे नाही वाव
करतो काम अशा क्षेत्रात IT ज्याचं नाव

--शब्दप्रेमी