माझी आई

बाळा अशीच माझ्यामध्ये वसते माझी आई
अन् असेच माझ्या ओठून हसते माझी आई

जाणूनबुजून मी लाडाने प्रेमाचे जाळे विणतो
जाणूनबुजून माझ्या जाळात फसते माझी आई

आई म्हणजे न दिसणारे अवयव आहे का हो??
माझे अश्रू माझ्याआधी पुसते माझी आई

चांगल्या वाईट मजपाशी जमल्या ब-याच पदव्या
माझ्यासाठी युनिवरसिटी असते माझी आई

एके दिवशी माझ्या हाती चित्र सुखाचे आले
हुबेहुब सुखासारखी दिसते माझी आई

काळजाचे पीळ निघाले अथवा घुसमट झाली
तेव्हा माझ्या कवितेमधून ठसठसते माझी आई

-- विवेक
१०.०४.१७