#---- *चिवचिवाट* ----#

जागतिक चिमणी दिवसाचे निमित्त्ताने 

#---- *चिवचिवाट* ----#

झाडावरती भरला होता चिमण्यांचा क्लास
चिवचिव चिवचिव सूर मंजुळ आणि खास
छोटी चिमणी बोलली सावरत आपली बट
दिवसेंदिवस होतेय आपल्या संख्येमध्ये घट
रचतोय का कुणी आपल्याला मारण्याचा कट
काय असणार गुरूजी आपल्या भविष्याचा पट?

ऐकून छोट्या चिऊचे प्रश्न साधे भोळे
किंचितसे पाणावले चिमण्या गुरूचे डोळे
डोळे पुसत गुरजी म्हटले 'हा वातावरणातील चेंज'
मनुष्य प्राणी विणतोय जाळी मोबाईलची रेंज
त्याचपायी होतोय आपणा श्वास घेण्या त्रास
हॅलो हॅलो त्यांच जुळतं, सुटतो आपला श्वास
दिवसेंदिवस कोंडत जाणार नभात आपले श्वास
चिवचिव म्हणजे केवळ उरेल एक भास
मला वाटतं मनुष्यचं आपला वंशज ठरणार
काऊ चिऊच्या गोष्टीतून तोच चिवचिव करणार
..........तोच चिवचिव करणार
-- विवेक
२०.०३.१७