हरेक नवीन कामाची
हीच एक कहाणी
काम करायचयं सुरु
सोबत शंकांची बहाणी
जोडावा म्हणतो
जेव्हा नवीन धागा
मनाचा एवढा गुंता
त्यात संदेहाला जागा
नवीन काम म्हणजे
नव्या विचारांचा डंका
सारं स्पष्ट असूनही
कुठुन येतात शंका
स्वत:च स्वत:शी
पटत नसते धडं
आपसूकच मिळते मग
शंकेलाही बळं
यशासाठी काही मग
शोधतात चोरवाटा
फुल देखील पायाला
भासू लागतो काटा
मगं मन घेते
पळवाटेचा शोध
हीच आहे वेळ
घ्यायचा काही बोध
--- विवेक
30.03.2016
No comments:
Post a Comment