नव्या युगाचे मी सरकार
सर्वांचा मी लाडका यार
सारे ऑफिस सारे घर
अवलंबून बघ माझ्यावर
......... कॉम्पुटर मी कॉम्पुटर
हरेक कामाचा मी गणपती
उंदीरमामा माझे सोबती
सा-या जगाचे चित्र दिसते
माझ्या छोट्या भिंतीवर
......... कॉम्पुटर मी कॉम्पुटर
मी लोकांचा खातो वेळ
लहान मुलांना माझं वेडं
तुम्हीच माझा करता वापर
अन आरोप माझ्या अंगावर
......... कॉम्पुटर मी कॉम्पुटर
माझ्या अंगी सारे धाम
कला,मनोरंजन आणि काम
वाटत असलो हार्ड जरी
सॉफ्ट करतो सर्वांचे ज्वर
......... कॉम्पुटर मी कॉम्पुटर
सुधारण्या माझा दर्जा हो
जरा वाचवण्या उर्जा हो
कृपया मजला बंद कराहो
माझा वापर झाल्यावर
......... कॉम्पुटर मी कॉम्पुटर
--- विवेक
No comments:
Post a Comment