काय झाले ते कळेना?

निद्रिस्थांना कोठूनी कळले, कुणी आपणास लुटताहे मुके होऊनी बसले होते, त्यांना वाचा फुटताहे 

 जमीन सरकताहे पायाखालुन, वाट काही मिळेना सामान्य अशा जनतेला, काय झाले ते कळेना ?

चकमकणारी दावुनी आमिषे, एकदा हाती घ्यायची सत्ता  तिजोरी आपली भरताना , यांचा विसरुन जायचा पत्ता कुत्रं पीठ खायला तयार, आंधळं काही दळेना  सामान्य अशा जनतेला, काय झाले ते कळेना ?

सामान्य माणसाच्या हाती सत्ता जेव्हा मिळेल  यांना जडलाय विश्वास, निवडुंग ही फुलेल सुर्योदय हा कसा जाहला? उत्तर काही मिळेना सामान्य अशा जनतेला, काय झाले ते कळेना ?

---  ‘शब्दप्रेमी’